Multithumb found errors on this page: There was a problem loading image /home/oxiis/domains/oxi.is/public_html/images/stories/oxiA1.jpg Allt frá árinu 1960 eða frá þeim tíma er fyrsti vegslóðinn var ruddur yfir Öxi af hugsjónamanninum Hjálmari Guðmundssyni frá Berufirði og öðrum áhugasömum, hafa menn sífellt gert sér betur grein fyrir þeim kostum sem þessi mikla vegstytting hefur í för með sér. Eftir árin 1999 – 2001 þegar vegurinn hafði verði lagfærður í hjólförum hins gamla slóða má segja að eftirspurnin af hálfu vegfarenda hafi þó fyrst komið í ljós fyrir alvöru þá er samgönguleiðin varð fær öllum gerðum ökutækja.
Frá árinu 2003 hefur því linnulaust verið barist fyrir heilsársvegi um Öxi sem uppfyllir kröfur um nútímasamgöngur og öryggi og má m.a. sjá þess vel stað í samþykktum Sambands sveitarfélaga á Austurlandi ( SSA ). Þessi barátta skilaði svo árangri árið 2007 þegar ríkisstjórn og alþingi allt samþykkti að ráðast skyldi í framkvæmdir á heilsársvegi um Öxi með lokum framkvæmda 2010. Í framhaldi var vegagerðinni falið að taka út veginn út í heild sinni ásamt botni Skriðdals og Berufjarðar með uppbyggingu heilsársvegar.
|
Vefsíðan oxi.is er samstarfsverkefni Fljótsdalshéraðs og Djúpavogshrepps. Hlutverk hennar er fyrst og fremst að veita rétta upplýsingar um fyrirhugaðar vegaframvkæmdir á Öxi.Hér er því ekki vettvangur til umræðu, en heimilt að nýta efni síðunnar til umræðu á öðrum vettvangi.
Gögn sem eru notuð og vísað í á síðunni eru flest kominn frá Vegagerðinni og vegur Matsskýrsla um Axarveg þar þyngst.
Ef notendur koma á auga á staðreyndarvillur í texta eða myndefni síðunnar, vinsamlegast hafið samband við Vefstjóra síðunnar. |